Savanna Tours

Ek was deel van die groep wat onlangs die toer na die Klein-Karoo en Overberg onderneem het. Dit was die eerste keer dat ek saam met Savanna Toere gereis het. Ek het dit regtig baie geniet en sal graag in die toekoms weer een van jul toere meemaak. Baie dankie vir alles. Ek het opnuut besef watter mooi land ons het en waardeer dit dat julle hierdie toere aanbied.

- Karin Heydenrych

Die Rondomtalie toer was absoluut 'n wenner. Baie oulike mense ontmoet en pragtige plekke gesien. Toer gids Gideon en drywer Sakkie is besonderse mense beslis en het baie goed na ons gekyk. Die enigste 2 manne op die toer. Hulle is 'n groot aanwins tot jou span 🙂

Pragtige mense, baie kennis. Maar ek dink oorwerk (hahaha)

- Monica Hogan

The highlights of the tour for us was Victoria Falls and the boat cruise on the Chobe - absolutely amazing. We could have spent 5 days there just doing the Falls, river cruise and game drives every day!

- Derek & Jill Meiring

Laat my toe om baie dankie te sê vir die aanvaarding van my en Theresa se aansoek om die toer met julle te onderneem. Die toer was voorwaar leersaam en kon ons by plekke uitkom wat ons nooit op my eie sou besoek het nie.Baie geluk met jul bekwame en belese toerleier, Jaco. Hy het die toer vir ons baie aangenaam gemaak en kon ons ook put uit sy ervaring en skater vir sy grappies. Ek kan nie nalaat om die twee busbestuurders te kompleminteer met hul bekwame hantering van die bus nie. Seker die kersie op die koek was om die mede-toergangers te ontmoet en met hulle te verkeer. Ons het tot op vandag toe nog foto’s en wedervaringe gedeel. Dit alles genoem, kan ek nie anders as om net lofprysinge aan SAVANNA te besing nie. Elke dag was besonders en sal ek baie graag die toer aan familie en vriende aanbeveel.

- Stanley Townsend

Baie Dankie vir ‘n fantastiese Namibië toer wat ek saam met Savanna kon meemaak. Dit was baie lekker en ek het dit baie geniet. Elsa was voorwaar ‘n wonderlike gids wat ons heeltyd ingelig het oor alles en soveel interessante goed vertel het, sy was puik! Peter was ook ‘n baie goeie busbestuurder wat ons orals veilig besorg het met sy vriendelikheid en hy het altyd geglimlag en gegroet etc. Dankie ook vir al jou reëlings, sodat die toer vlot kon verloop, ek waardeer dit baie.

- Marianne Meintjes

Opsommend, ons het die toer baie geniet, en bedank Savanna hiermee opreg vir goeie diens, wanneer nodig sal ons weer van Savanna gebruik maak. Aan Elsa, geluk met jou goeie werk, baie dankie vir jou vriendelikheid en toewyde toesig. Wees verseker ons twee het alles baie geniet. Dankie aan Savanna dat julle die toer gereel het, ons wens julle baie sukses toe met julle besigheid.

- Hendrik & Sannie Botha

Terug in SA en wens die toer in Namibië kon nog aangaan.Dit was wonderlik !Dankie vir die besonderse roete waar ons alles kon sien en die reëlings.Ook baie dankie aan Elsa en Peter..hul was besonders.

– Yolande Swanepoel

Ek sê baie dankie vir 'n goed georganiseerde toer. Tot 'n laaste verrassing vanoggend by die waterskema! Jy was heel tyd in beheer en as iets dalk fout gegaan het, het dit nie deur gekom na ons toe nie. Ek waardeer jou moeite om my gister in kamer 6 te plaas. Dit het vir my baie beteken. Die luukse bus was 'n groot bederf. Om nie eers van die busdrywer te praat nie! Ek het heel tyd veilig en gerus gevoel - al het ek soms geluide gemaak. Dit was die hoogtevrees om te blameer en nie Sakkie nie!Julle twee maak 'n wen span. Doen so voort!! Asseblief ☆ Daar is mooi herinneringe van die toer wat ek nog lank sal koester.

– Gray Horn

Jy en Savanna toere is op hierdie stadium 'n lig in my lewe met julle wonderlike toere waarmee ek ons land kan en wil beleef!

- Dalene Roux

Ek wil jou graag vertel hoé uitsonderlik ek saam met my suster Nelly en ALMAL wat saam op hierdie toer was, geniet het. Dit was asof elkeen spesiaal uitgekies was want ons het só lekker saamgekuier en vreeslik baie gelag. Julle beplanning was foutloos en het ek plekke besoek waar ek nog nooit was nie. Ons busbestuurder was van dìè beste en was ons almal gerus en ontspanne want ons het hom vertrou om ons veilig te bring na die volgende bestemming. Jaco - ons toerleier : wel hy het sy bydrae uitmuntend gedoen. Hy het ons vreeslik baie waardevolle inligting gegee van al die plekke wat ons besoek het. Hy het ons baie laat skater met sy staaltjies en grappies. Ons almal het hom terdeë geniet. Hy en Sizwe het ook hard gewerk met ons bagasie wat in en uit die bus na en van ons gekom -en gaan het. Dra asb my dankie oor aan beide van hulle. Hulle was staatmakers op ons toer. Ek kon gladnie n e-pos adres kry van Marloot nie ..Dus moet ek ook vra dat jy n GROOT DANKIE moet gee aan elkeen by Marloot gastehuis. Ons was bederf en is dankbaar vir die ekstra moeite wat Lood gedoen het om ons te neem en kom haal by die vertrekpunt van ons toer. Voorspoed vir julle volgende toere. Mag elkeen voorspoedig wees.

- Martie du Toit

Dankie vir n wonderlike ervaring wat ek beleef het met my eerste bustoer - Wildekus & Oos-Kaap. Julle admin was haarfyn beplan en alle reëlings het sonder enige haakplekke afgeloop.Dankie daarvoor.

– Nelly Combrink

Die Tuinroete toer was fantasties.Was die eerste keer op n Suid Afrikaanse bus toer. Moet julle komplimenteer

Was uitstekend in vergelyking met oorsese toere.

- Cecilia Hubner

Izette baie dankie vir n puik toer. Julle span is tops. Baie dankie

- Petro Kriel

As eerste gebruikers van Savanna toere kan ons nie genoeg komplimente uitspreek oor die alles en alles en nogmaals alles wat so uitstekend beplan was en so deurgevoer was op hierdie toer nie .

Baie dankie vir elkeen se aandeel in die verband. Ons kan nie anders om weer n toer meet te maak nie. – Hennie & Elmarie Nel